MARIING
tumanggi si Gwen sa sinabi ng kanyang ama. "No way, Papa!! I’m
not going with you just to attend some birthday bash in a
God-forsaken place! No!!!" Laking-syudad si Gwen Ruiz. At
nakasanayan pa niyang tarayan ang kanyang ama. At ayaw niyang
sumama sa pagdiriwang ng pagsi-singkwenta anyos na panganay nitong
kuya sa isang malayong probinsya. "For all I know they don’t
even have a cell site out there!"
Makapangyarihang
tao si Angelo Ruiz. Sa opisina niya sa Ikatatlumpung palapag ng
Paramount Tower sa sentro ng Makati, tuwing magbubukas siya ng
bibig ay tahimik agad na nakikinig at tumatalima ang kanyang mga
empleyado.
Pero
ang byudong si Angelo ay mayroong isang solong anak na pasaway,
laki sa layaw. Di kasi n’ya napag-ukulan si Gwen ng anumang
pagdidisiplina. Kaya heto, nakikiusap siya sa anak.
May
naisip siyang ibulong na nakapag-pangiti sa dalaga. "Really,
Pa? The latest model?" Mukhang suhol lang ang babago sa isip
ni Gwen. "Okay then, I’ll come with you, pero isang araw
lang tayo, ha?"
Hindi
agad umimik si Angelo. Bumuntonghininga siya at sumagot ng
"Let’s sleep early tonight at maaga ang byahe natin bukas."
"Tomorrow
na? Pa, kailangan pa kong mag-shopping! Alangan namang basta na
lang tayo aalis, wala akong bagong isusuot. Tsaka may scratch na
‘tong shades ko, I need a new pair! Bakit ka ba nagmamadali, Pa?
Saturday pa naman ang birthday ng brother mong...promdi!"
"Huy,
‘wag mong mamatahin ang Tito Bernie mo! Successful siya sa
kanyang organic
"Three
days??? But, Papa, di ba pumayag kang one day lang tayo
dito? I’m leaving tomorrow! Sasabihin ko kay Merto iuwi na ako
sa Makati bukas na bukas! I can’t stay in this yuckky place
longer than a full day, ‘no?! No way!"
Walang
nagawa si Angelo nang biglang lumabas ng bahay si Gwen, at
desididong hanapin na ang pinagparadahan ng kanilang Pajero na
nililinis noon ni Merto.
Sa
labas, malayo na ang nalalakad niya bago mapansing mali pala ang
kanyang tinutungo. Lumingon siya sa likuran at napansin ding di na
niya makita ang pinagmulang bahay. "Ngek! naligaw yata ako,"
bulong niya sa sarili. "Lagot! Nagugutom pa naman na ako!"
Maya-maya,
may narinig siyang mga yapak ng isang naglalakad papalapit. At
nang lumantad na sa kanyang paningin ang mukha ng paparating,
sandaling nalimutan ni Gwen ang pagkakaligaw at nagsisimulang
gutom...
"Wow!
How cute naman this guy!" nasabi niya sa sarili, "Saksakan
ng gwapo, grabe!!! Who is this hunk??!" sabay sa paglakas ng
pagtibok ng kanyang puso.
Napansin
din siya nito, "Oops, may tao pala rito! Sorry, nabulabog
yata kita, Miss!"
"Di
naman..." sagot niya sa paraang medyo malambing. "Tinitingnan
ko lang yung mga plants! Ang gaganda pala..."
Sa
pagkarinig niyon ay ginanahan agad si Eric na makipag-usap kay
Gwen, na titig na titig naman sa kanya. Nalimutan nga niyang
makipagkilala sa pangalan, ni ang makipag-alaman kung bakit sila
kapwa naroon."Talagang ang gaganda nila!"
Laking
gulat ni Gwen nang muli niyang masulyapan ang paligid. Totoo ngang
gumanda ang mga halaman doon! Di na niya kinailangang mambola sa
kausap. Para yatang narinig siya ng mga bulaklak at mga dahon nang
pakunwaring purihin niya sila. Napansin pa niya ang ilang paruparo.
"Hindi
lang sila maganda, napakalaking tulong sa atin ng bawat halaman.
Hindi nga tayo mabubuhay kung wala sila. Alam mo bang lahat ng
kinakain natin ay puro galing sa kanila?"
"Di
naman siguro..." Naisip ni Gwen ang paborito niyang burgers
at bacon.
Para
namang narinig ng lalaki ang nasa utak niya. "Pati karne,
lahat, galing sa halaman. Ano ba ang kinakain ng baka? Damo! Sa
halaman din galing ang karne ng baka! Pati mga isda..."
Natuwa
ang dalaga at lalong humanga sa kaharap kahit di pa talaga niya
naaabot ang paliwanag nito. Ngunit dahil lalo na siyang ginanahang
makipag-usap, bumira siya ng sagot. "Plants are really
important! Kaya nga ginagalitan ko yung gardener namin
kung di niya nati-trim ang mga halaman sa amin at
napapabayaan ang bermuda grass sa aming lawn."
"Nasa
beauty at beautification ka pa rin sa sinabi mong ‘yan,
eh! Ang ibig kong sabihin, talagang nakaasa sa kanila ang buhay
natin mismo— sa pagkain, sa hinihingang hangin, pati sa kung
anu-anong gamot at kemikal na inilalagay sa mga bagay na ginagamit
natin araw-araw. Teka... bakit ba tayo nakatayong nag-uusap dito?"
Napatawa si Erik, "Maupo kaya tayo doon...para ‘wag tayong
mangawit. Okey lang sa ‘yo?"
Sa
talagang pamantayan ni Gwen, medyo marumi ang itinuturong malaking
batong mauupuan, pero ganado talaga siyang makinig sa nakatagpo.
"Sige, paki-explain mo ngang lahat sa akin ‘yan!
Lahat-lahat, ha?! Nature lover ako, eh!"
At
dumaan nga ang maraming sandali ng paliwanagan, na matamang
pinapa-kinggan ng dalaga, tumatangu-tango pa nga ito. Pinahawak pa
nga siya ng lalaki ng isang salagubang para mapaglabanan ang takot
at ang halatang pandidiri niya rito. Tatanggi sana si Gwen, pero
kinantyawan siya ni Eric ng "Akala ko ba, nature lover
ka? Hahaha! Eh di mahalin mo ‘yan! Nakakatuwa nga sila, pati mga
bulati!"
"Ang
cute nga niya! Pero nakikiliti ako ng mga paa niya. Hihihi!"
Nakaalala
si Eric. "Naku! hinihintay na nga pala ako ni... Ay sige po,
Miss ano, kailangan ko nang magmadali. Nalibang kasi ako sa usapan
natin, eh!"
"Ako
rin eh! Thanks, ha! Ano na nga pala’ng name mo? You
were really making sense! Ang galing ng mga paliwanag mo.
Andami ko talagang mga natutunan, mga realizations! No
kidding!"
"Ako
si Eric. Tandaan mo: ipagpasalamat natin na ang mundo ay may
kalikasan kaya’t ang bahay natin ay buháy!"
"Mga
one week pa kami dito ng Papa ko! Baka puwede pa nating
ituloy ito?"
Nang
makaalis na ang kausap, naiwang nakangiti sa sarili si Gwen.
Nasumpungan pa niyang sundan ang isang paruparo at nahanap na rin
tuloy niya ang landas pabalik sa pinagmulang bahay.
Hindi
na siya nagmamaktol. At nang mabalikan ang kanyang ama, na kaagad
tumingin sa relos nang makita siya, masayang salaysay ang
pasalubong niya.
"Papa!
May nakilala ako! Very cute guy!!! So gwapo talaga! Kahawig
mo nga nang konte, eh! Konte lang! Hihihi! Ang galíng-galíng
niya. He explained yung halaga ng mga halaman, pati mga insects
at kung anu-ano pang hayop."
Nagpatuloy
si Gwen, "Ang gwapo... este, ang galíng magpaliwanag, Pa! You
should listen to him kahit once lang. Para di na puro glass,
metal and concrete ang mundo mo. Di naman pala ‘ka-diri to death’
ang putik. Soil pala is actually alive! Hindi siya
dumi! I just realized, nahiwalay na pala tayo sa Nature! Sabi ko
nga sa kanya, dahil few days pa naman tayo rito... "
"Few
days? Di ba sabi mo...? Teka, di kaya si Eric ang nakilala mo?
Kanina pa siya hinihintay nina Bernie rito, eh! "
"Eric!
Yes! You know Eric? Kilala mo siya, ‘Pa?"
"Oo!
Pinsan mo nga ‘yon, eh! Nakuha niya ang galíng sa halaman ng
Tito Bernie mo! Paboritong pamangkin niya si Eric!"
"Oh
no! We can’t be related! Sobra siyang cute para
maging relative ko!"
"So,
ano? Uuwi ka na bukas, di ba?"
Di
nakasagot si Gwen. Pinamulahán siya ng mukha. Napailing.
Pinagpawisan. Napangiti. Napailing muli. Bumuntong-hininga. At
pagkatapos ay sumeryoso.
"Magalíng
talaga ang explanations niya, Pa! I mean, totoo naman ang
realizations ko."
"Mukhang
magbabago ang behavior mo sa Nature, ah, pati sa mga
taong malapít sa Nature." Kumindat siya. "
"Si
Papa naman!!!" Masayang nagtawanan ang mag-ama.