|
TASYÒ:
NGAYON NA BA ANG BUKAS
SA HABILIN NG PANTAS?
Kabanata
10:
Presscon
ba o Paglilitis?
Araw
na ng presscon. Ikasampu ng umaga. Maraming tao na ang nakatipon
sa UCP Auditorium. Ipinalipat daw roon ni Dr. Regalado ang press
con dahil hindi na magkasya sa Conference Room ang dumating na mga
tao.
Nang
malaman ito ni Virgie Abad, na vice president for external
affairs, kinagalitan niya mula ulo hanggang paa ang sekretarya
niya.
“Oo
nga, I told you to invite everybody important in the media!”
bulyaw ni Virgie sa kanyang sekretarya, “not naman everybody on
the street! Bakit maraming tao na kamo at di na nga kasya sa
conference room? I signed only about 20 or so invitation
letters… Teka,
silipin ko nga kung gaano talaga karami…”
Sumilip
siya sa kurtina at nagulantang. “Oh, no! Ang dami-dami nga!
Pamimiryendahin ba natin… all these people??”
“Wala
naman tayong sinabi, Ma’am!” Napabuntong-hininga si Elsie.
“Ang dinig ko po kasing talaga sa sinabi n’yo, ‘Invite
everybody,’ eh!”
“No!
Why would I ever say that? Ano ako, hiló?”
*
* *
“Yes,
Sir, kaya ko naman pong gawin ‘yan… sana!”
May tunog ng kabá sa tinig ni Alex sa pagtatapos ng usapan
nila ni Dr. Margallo.
“Tiyakin
mo, walang silbi sa akin ‘yang mga sana!
Ipasya mong tiyakin, ibuhos mo ang loob mo na kailangan
successful ka diyan dahil iyan na ang stepping stone mo sa marami
ko pang ipapagawa sa iyo na magkakapera ka nang mabilis. Ako’ng
bahala sa ‘yo!”
“Sige,
Sir! I’ll do my best…”
“Yan
ang sagot! Tuparin mo na lang ang pangako mong ‘yan! Alangan
namang asahan kong lalagpasan mo pa ang best mo… Let’s go! It’s almost ten. Hawakan mong mabuti yang press
card na ‘binigay ko sa iyo, at memoryahin mo nang husto ang pangalan mo ngayon
for about an hour.
Memorize
mo—Demetrio Legaspi, Metro News. Ikaw ‘yan. Mauuna na
ako. Sumunod ka na sa loob ng kampus after three minutes. Hindi
tayo magkakilala, ha?”
*
* *
Mag-aalas-onse
na nang masimulan ang programa sa pagpapatugtog ng Lupang
Hinirang. Halos kalahating oras na pag-antala na sinadya
para sa dagdag na paghihintay sa pagdating ng inaabangan pa raw na
“official report,” na ibubunyag sa press con. At halos limang
minuto bago mapatayo ang mga tao bilang pagbibigay-galang sa
pagtugtog ng “Pambansang Awit.”
Tinarayan
na sila ng isa sa mga emcee: “Magsitayo na nga kayo! Makikinig
na lang kayo sa “Bayang Magiliw,” tinatamad pa kayong mga
pasaway kayo..!”
Nang
matapos na ang mga pasakalye sa simula ng palatuntunan, kasama na
ang pambungad na pananalita ni Dr. Virgie Abad, external vice
president ng Universal College, na kumatawan sa presidenteng si
Dr. Villaseñor, sinabi ng emcee na sinisimulan na nila ang press
conference kahit na hindi pa
dumarating ang
sagot mula
sa National
Historical Institute at sa katunaya’y di pa rin handang magbigay
ng husga ang Committee of Experts ng Universal Colleges.
Kinilala
rin ng emcee at pinalakpakan ng lahat ang mga presentors at
pinaupo sila sa kani-kanyang lugar sa mahabang mesa ng panel—si
Dr. Margallo ang Vice President for Academic Affairs na pinaupo sa
may gitna ng mesa bilang main facilitator; si Dean Regalado,
dekano ng kolehiyo na head presentor; si Prof. Anita Aguila,
nilang presentor din; at si Liza Padilla.
Sinabi pa ng emcee na ang dalawang bakanteng upuan ay
reserbado sa inaasaahan daw na darating pang mga kinatawan ng National
Historical Institute at ng pribadong samahang Kamalaysayan.
Kasunod
niyon, pinatayong isa-isa ang mga reporter na naroon at
pinagpakilala ng sari-sarili.
Kabilang sa kanila ang huwad na reporter na si “Demetrio
Legaspi po, Metro News.” Tinitigan siya ng mga tunay na reporter
na tila nagdududa sa kanya, kasama na ang mga tunay na reporter na
tumanggap ng mga puting sobre mula kay Dean Regalado noong naunang
araw.
Tumayo
agad si Dr. Margallo at kinuha ang mikropono sa emcee, na
bahagyang nagulat dahil di pa niya naipapakilala ito.
“Uhrrm!
Good morning, ladies and gentlemen of the Press!” bungad na
Dr. Margallo. At nagulat ang lahat nang idugtong niya sa pagbating
iyon ang paghingi ng dispensa ng mga dumalong reporter. “On
behalf of the Universal College of the Philippines, I would like
to express my heartfelt apologies that we have been unable to
complete the preparation of data to be released in this press
conference.”
Nagdabog
si Dean Regalado sa narinig ngunit hindi siya kumibo.
“Narito
na rin lang tayong lahat, let us hear out what our main presentors
can give you for filing before your deadlines this afternoon. Para
di naman kayo ma-bokya sa mga editors n’yo. Again, our sincere
apologies! Kasi we were informed by them na meron daw talaga
silang maipepresent na maituturing ninyong newsworthy."
Bumaling
siya kay Dean Regalado, ipinasa rito ang mikropono at saka umupo.
Sabay namang umabot sa kani-kanilang baso
ng tubig sina
Prof. Annie at Liza habang marahang tumatayo si Regalado upang
magsimula na sa kanyang pagsasalita.
Damang-dama niyang bago pa siya makasimula, nagawa na ni
Dr. Margallo ang ipahiya siya sa lahat ng naroon.
“Greetings,
ladies and gentlemen of the press, the Universal Colleges of the
Philippines is very proud to announce to you…” at tumingin
siya kay Dr. Margallo, “na ang paaralang ito ay aktibo sa
responsibilidad ng Akademya na tumulong sa pagtuklas ng mga
bagay-bagay na mapapakinabangan ng ating lipunan, Hindi pa kasi
naiintindihan ng ibang kolehiyo’t unibersidad, at hindi pa rin
nga naiintindihan kahit ng ilang opisyales dito na mismo sa
Universal na hindi puwedeng aasa lang kami lagi sa pagtuturo ng
mga nasasaliksik ng iba.” Tumitig siya kay Margallo, at ito
naman ang nagdabog.
Isang
pangkat ng mga reporter ang masigabong nagpalakpakan kay Dr.
Regalado.
“Ninais
sana naming makumpleto na muna ang aming natuklas bago namin
ilabas. Ngunit hindi namin nagawang makontrol ang dumadaloy na
kasaysayan. Kaya’t
ipinasya naming ituloy na rin ngayon ang press con upang maibahagi
na namin sa publiko sa pamamagitan ng media ang amin nang
nasimulan, at hihingin naming samahan n’yo na kami sa susunod
pang mga hakbang sa mahalagang pakikipagsapalaran ng akademiko at
makasaysayang pagtuklas.”
Pinalakpakan
siyang muli ng iyon ding grupo ng mga reporter na unang nagbunyi.
Nagsalita
si Dr. Margallo bilang moderator ng komperensya. “The gentleman
standing beside the microphone. Yes, you! You were raising your
hand? Go ahead, you are recognized.”
Nagsalita
agad ang reporter sa mikroponong hawak na niya. “Pwede po ba
naming marinig na right now ang summary ng balitang ibubunyag na
n’yo sa presscon na ito? Sana,
sa lead na agad tayo ng malaking storya!”
Bahagyang
napangiti si Dr. Regalado. Pero ngayo’y biglaan na rin siyang
pinagpawisan. “Iyon na ngang talaga ang ibibigay ko, pero tila
nainip ka! Next na nga talaga ‘yon sa sasabihin ko!”
Ibinaling niya ang pagtanaw sa nangungulo. “So, if I may
be allowed to finish my presentation before we entertain any
questions, Mr. Moderator…”
Sumigaw
ang reporter sa mikropono, “Objection!! Objection, Mr.
Chairman!”
Na
kaagad-agad namang sinang-ayunan ni Dr. Margallo, “Objection
sustained! Dean Regalado will answer the question! Right now!”
Halos
malaglag ang panga ng inatasan. “Objection? – sustained? Ano
ba ito, “Court is now in session?
Bakit di tayo nag-‘All rise!’ kanina?”
Napakamot siya ng ulo!
* *
*
|
Kabanata
1
