|
TASYÒ:
NGAYON NA BA ANG BUKAS
SA HABILIN NG PANTAS?
Kabanata
11:
Ilabas
N'yo ang Kwadro!
Samantala,
sa isang bayan ng di-kalayuang lalawigan, nagkagulo ang mga tao sa
tabi ng munispyo nang may magbalita sa istasyon ng bumbero na may
nagliyab na bahay sa isa sa mga baranggay, at napakabilis daw
lumaki ng apoy. Kaagad na nagtipon ang mga bumbero upang sumugod
na sa bahay na tinutukoy.
May
ilang kilometro rin mula poblacion ng bayan ang sinasabing sunog,
kaya’t nang dumating doon ang mga bumbero ay halos tupok na ang
buong bahay ni Aling Alma.
Walang-tigil
sa paghagulhol ang matanda, kahit nailigtas na siya’t nadala na
sa ospital sa bayan. Paminsan-minsa’y tumitigil sa pag-iyak at
isinisigaw ang “Ilabas n’yo ang kwadro! Di dapat masunog ang
kwadro ni Lolo!”
Ang
anak lamang niyang si Ellen ang makakaunawa sana sa tinutukoy ng
kanyang ina. Ngunit wala siya sa kanilang bahay, ni sa kanilang
bayan, nang maganap ang sunog. Kaya’t walang nakaunawa sa
matanda hanggang sa mawalan na siya ng malay at pulso at ipasok sa
intensive care unit ng ospital.
* *
*
Isa
pang reporter ang lumapit sa mikropono. Isa sa unang mga malakas
na pumalakpak kay Dr. Regalado noong kasisimula pa lamang ng press con.
“Question, Sir! Do
you think that society-at-large would…”
Pinutol
siya ng moderator. “I have to cut you, Miss Lady Reporter,
we have to
dispose of the earlier question. Dr. Regalado has not yet answered
the gentleman’s request for a short summary.”
Inamin
ni Dr.
Regalado na di
siya handa, at di niya gusto, na magbigay ng simpleng paliwanag.
“Kaya nga di kami naghanda ng press statement, eh. Hindi
simpleng bagay ito na madaling i-summarize. Atsaka di pa kasi
dumarating ang taga-NHI… Ang importante rito, may mahiwagang
kasulatan kaming natuklasan sa Laguna province na isasalaysay…”
“Simply
put, you’re not ready! Hindi
pa kayo handa sa gusto n’yong ibunyag pero itinuloy na rin
ninyo itong press conference?
I have other assignments to pursue, Sir…” Naupo ang
unang reporter, matapos bitiwan ang mike, sinimulang iligpit ang
kanyang mga gamit at tumayo upang umalis na.
Ngunit
nilingon pa niya at painagsabihan nang malakas ang napatahimik na
dekano, “Okay, I’ll just write it that way. Call me when you
have something definite. Fax to desk na lang. Thanks! Sayang lang
oras namin dito!”
Sinalubong
naman siya ni Dr. Virgie Abad, na may
matamis na
ngiti, “But
coffee is about to be
served for all!” at lumingon sa napakaraming tao sa auditoritum,
“I mean, to all media people in this presscon.”
May
nagtaas pa ng kamay at lumapit sa mikropono. Nagtanong agad ito
kay Dean Regalado. “What makes you think that this school will
soon be able to shout ‘eureka’? If you are unprepared for even
just a short summary, can’t we just have a brief chronology
here?
May
isa pang reporter na tumayo at doon mismo sa kinalalagyan niya’y
sumigaw ng “Objection!
Objection!”
Lumapit
siya sa mikropono at ipinasa naman ito sa kanya ng naunang may-hawak.
“Pag ‘chrono’ agad, hahaba na ang usapan wala pa tayong
naiintindihan what this is all about! Kailangan, summary muna!
Tapos, kung wala pa naman pala tayong balita talaga, sasama na ako
kay kuwan pag-alis.”
Sumang-ayon
muli si Dr. Margallo, “Objection sustained, Dr. Regalado will
answer the question, I mean, the request for a sharper short
summary. Dr. Regalado, please!” Mabagal ang sagot ng dekano.
Halatang naiinis na. “Okay, let me put it simply: we are
on the verge of proving the probable discovery of a historical
artifact, ancient pre-Spanish Filipino writings, but with a
Spanish-period message, from the last years of the Spanish period.
Now, that answers the request for a summary, punta na tayo sa
chronology. Allow me, please, to present to this gathering our
Philippine History professor here, Prof. Anita Aguila…”
Naggumiit
ang reporter, “Objection!”
Nagtaas
na ng boses si Dr. Regalado. “Will you please stop objecting
like that, like a lawyer? This is a press con, not
a court session.
“Objection
overruled!” biglang kinampihan ni Dr. Margallo si Dean Regalado.
Napatunganga naman sa gulat ang huli sa sinabi ng umaastang
hukom.
* *
*
|
Kabanata
1
